Azərbaycanda iranlı tələbələrlə bağlı qalmaqalın yeni təfərrüatları üzə çıxıb
Məlumata görə, bir qrup tələbə Bakıda əxlaqsızlıqla məşğul olduqları üçün deportasiya olunub.
Crossmedia.az xəbər verir ki, araşdırmalar göstərib ki, onların fəaliyyət miqyası gözləniləndən daha geniş olub.
İddialara əsasən, paytaxtdakı biznes mərkəzlərindən birində xarici iş adamının nəzarəti altında diplomatların və sahibkarların iştirakı ilə qapalı məclislər təşkil olunub. Həmçinin bəzi tələbələrin Milli Məclisin deputatı və bir sıra məmurlarla əlaqələr saxladıqları qeyd olunur.
İran rəsmiləri isə bəzi qızların nişanlı olduğunu, mediada yayılan xəbərlərin onların nüfuzuna xələl gətirdiyini bildiriblər.
Bununla belə, həmin tələbələrin sosial şəbəkələrdə açıq-saçıq fotolar paylaşdığı və bununla da öz ölkələrinin qanunlarını pozduqları vurğulanır.
Mediada yayılan məlumatlara görə, tələbələrin bir qismini İran xüsusi xidmət orqanları əməkdaşlığa cəlb edib. Onların məqsədi nüfuzlu şəxslərlə əlaqə yaratmaq və müəyyən hallarda onları cəlb etmək olub.
Rəsmi təsdiqə görə, Azərbaycana giriş 11 İran vətəndaşına qadağan olunub, onların 5-i artıq deportasiya edilib.
Nicat Rüstəmzadə
14:57 25.08.2025
Oxunuş sayı: 1405
