Ekologiya

Qalaktikanı fəlakət gözləyir: Ay asteroidlə toqquşa bilər

NASA 2024 YR4 adlı asteroidin Ayla toqquşma ehtimalının artdığını açıqlayıb.

Crossmedia.az xəbər verir ki, bu barədə CNN məlumat yayıb.

Əvvəllər Yer üçün potensial təhlükə hesab edilən bu göy cisminin artıq 2032-ci ilin sonlarında Ay səthinə düşə biləcəyi bildirilib.

Hesablamalara əsasən, toqquşma ehtimalı təxminən 4,3% təşkil edir ki, bu da bu günə qədər qeydə alınan ən yüksək göstəricilərdən biridir.

Təxminən 60 metr diametrində olan asteroid Ayla toqquşacağı təqdirdə, 1 kilometrə yaxın krater yaradacaq və 100 milyon kiloqrama qədər Ay tozu və torpağını kosmosa püskürdə bilər. Bu hissəciklər Yerə çatsa da, insan həyatı üçün təhlükə yaratmayacaq. Lakin orbital peyklər üçün ciddi risklər yarana bilər — xüsusilə rabitə və naviqasiya sistemlərində müvəqqəti pozuntular müşahidə oluna bilər.

Əgər zərbə baş verərsə, bu, son 5 min ildə Ayın yaşadığı ən güclü toqquşma olacaq.

Hazırda alimlər bu təhlükənin qarşısını almağın mümkün olub-olmadığını araşdırırlar. NASA-nın 2022-ci ildə həyata keçirdiyi DART missiyası, Dimorf adlı asteroidin orbitini dəyişdirmişdi və bu təcrübə indi YR4 üçün də nümunə kimi göstərilir. Lakin asteroidin orbitinə müdaxilə ilə bağlı yekun qərar yalnız 2028-ci ildə, o yenidən müşahidə zonasına daxil olduqda veriləcək.

Xumar Emilqızı

🖨 Çap et

04:30 27.07.2025

Oxunuş sayı: 11587