"Realme 14" möhtəşəm yeniliklərlə gəlir
"Realme"nin təqdim edəcəyi yeni kompakt model iri telefonları daşımaqda çətinlik çəkən istifadəçilər üçün əla seçim ola bilər. Yüngül çəkisi ilə gələn model yalnız ölçüsü ilə deyil, texniki göstəriciləri ilə də gözləntilərə cavab verəcək.
Lakin "Realme 14" seriyasının əsas yeniliyi bu kompakt modelin böyük batareya tutumundadır. Bu modeldə 6000 mAh və ya daha yüksək tutumda batareyanın istifadə olunacağı qeyd edilir. Bu batareya həcmi təkcə orta sinif deyil, hətta premium modellərdə də nadir hallarda görünür.
"Realme" kompakt quruluşda yüksək prosessor gücü təmin etmək üçün "Snapdragon 7" və ya "Dimensity 8000" seriyasından bir prosessor seçməyi planlaşdırır.
Amma yüksək gücə malik prosessorları kiçik korpusda qızmadan işlətmək mühəndislik baxımından böyük bir sınaqdır. Buna görə də, "Realme"nin soyutma sistemləri üzərində xüsusi işlər görməsi gözlənilir. Əgər bu kompakt model uğur qazansa, "Realme"nin bu dizayn yanaşmasını Neo və GT seriyası kimi yüksək sinif cihazlara da tətbiq edə biləcəyi müzakirə olunur.
Emil Bağızadə
07:46 04.11.2024
Oxunuş sayı: 9522
