Sağlamlıq
İmtahan stressi ilə necə mübarizə aparmalı?- Psixoloq danışdı
Bu ay, demək olar bütün ali təhsil müəssisələrində imtahan sessiyasıdır. Davam edən imtahanlar tələbələri təkcə fiziki və zehni yox, həm də psixoloji cəhətdən yorur. Stressin, həyəcanın bəzi gəncləri əldən saldığını desək, yanılmarıq. Bunu onlar özləri də söyləyirlər. Bəlkə də, hər birimizin ətrafımızda belə tələbələr var.
Psixoloq Aynur İsmayılova Crossmedia.az-a açıqlamasında tələblərin imtahan stressi barədə danışdı.
O bildirib ki, imtahan həyatın deyil, statusun dəyişməsidir: “Bu status vasitəsilə insanlar tələbə adını qazanırlar. Təbii ki, hər insan öz xarakterinə uyğun olaraq stressi müxtəlif cür qarşılayır. Kimisində imtahanla bağlı stress sadəcə o ana bağlıdır, kimisində də imtahana qədər bu baş verir. Yəni imtahan prossesində daha çox ağırlaşmağa başlayır. Stresslə bağlı isə verilən reaksiya təşvis və həyəcan pozuntulu insanlarda daha yüksək olur. Belə ki, onlarda ürək döyüntüsü həddindən artıq, sanki ürək xəstəliyi kimi olu. Əgər insanda təşviş və həyəcan pozuntusu yüksəkdirsə imtahana qədər çox gərgin yuxusuzluq olar. Bu da mədə- bağırsağın pozulması, qızdırma kimi hallarla nəticələnə bilər".
Psixoloqun sözlərinə görə, təşviş və həyəcan nə qədər yuxarıdırsa, imtahanı keçmək də bir o qədər nəticəsi yaxşı olmayan prossesə çevrilir: "Düşüncəni stress idarə edirsə, insan orada gərginlik yaşayırsa, birmənalı şəkildə bu onun imtahandakı sualları cavablandırmasına da təsir edir. İnsan buna psixoloji olaraq hazır olmadıqda birmənalı şəkildə imtahanda da aşağı nəticə göstərməyə başlayır. Ona görə də imtahandan əvvək hər bir tələbənin biliklə yanaşı, psixoloji durumu, motivasiyası da yerində olmalıdır ki, nəticə ürəkaçan olsun”.
Fatimə Məmmədova
20:19 06.06.2025
Oxunuş sayı: 12875
