Yeni saytın təsisçisi: "Qarabağ bizim üçün əsas istiqamətlərdən biridir"
"Hazırda bölgələrdə fəaliyyəti ilə seçilən gənc jurnalistlər Bakıya üz tuturlar, burada fəaliyyətini davam etdirirlər. Digər tərəfdən, “Yurd.Media” daha çox gənclərlə çalışmağa üstünlük verir. Təbii ki, bu iş savadlı və təcrübəli redaktorların nəzarəti altında həyata keçirilir. O gənclər də əsasən Bakıda təhsil alırlar".
Bu fikirləri Crossmedia.az-a geniş müsahibəsində “Yurd.Media” saytının təsisçisi və baş redaktoru Murad Əliyev bildirib:
" "Yurd Media" saytının ofisinin açılışını Bakıdan başlamağa məcbur idik. Əvvəla, hazırda bölgələrdə fəaliyyəti ilə seçilən gənc jurnalistlər Bakıya üz tuturlar, burada fəaliyyətini davam etdirirlər. Digər tərəfdən, “Yurd.Media” daha çox gənclərlə çalışmağa üstünlük verir. Təbii ki, bu iş savadlı və təcrübəli redaktorların nəzarəti altında həyata keçirilir. O gənclər də əsasən Bakıda təhsil alırlar. Son 3 ay ərzində biz 30-a yaxın gənci təlimlərə cəlb etdik. Onlardan bir çoxu artıq jurnalistikanın əsaslarına yiyələnərək saytımıza töhfə verə bilirlər. Lakin gələcəkdə “Yurd.Media”nın baş ofisinin bölgələrdə yerləşməsi kimi bir fikrimiz var. Baş ofis elə bir bölgədə olmalıdır ki, oradan digər rayonlra əlçatanlıq təmin olunsun. Bizim fəaliyyətimizin əsas istiqamətlərindən biri də Qarabağın inkişafına media vasitəsilə töhfə verməkdir. Qarabağa gedən bütün işləri – istər yenidənqurma, tikinti, istərsə də əhalinin həyatının işıqlandırılması ilə bağlı mövzuları diqqətlə izləməliyik. Buna görə də, Qarabağ bizim üçün əsas istiqamətlərdən biridir. Bununla yanaşı, Bakı daxil olmaqla ölkənin bütün bölgələrində müxbir postları olmalıdır. Bizim bölgə ofislərimiz gənclərin toplaşıb öyrənəcəyi bir mərkəzə çevrilməlidir. Beləliklə, növbəti mərhələdə yeni kadrlar özünü göstərmək imkanı əldə edəcəklər. Bu baxımdan “Yurd.Media" tək sayt üçün xəbər hazırlayıb verməklə yetinməyəcək, həm də bölgələrdə kadrların hazırlığına da xüsusi diqqət edəcək. Bütün bu işlər mütləq peşəkar və təcrübəli jurnalistlərin nəzarəti altında həyata keçirilməlidir. Əks halda, lazımı nəticələrə ümid etmək olmaz", - o söyləyib.
Müsahibənin tam versiyasını aşağıdakı linkdən oxuya bilərsiniz:
https://crossmedia.az/az/article/28546
Fatimə Məmmədova
19:25 30.04.2025
Oxunuş sayı: 979
