Tramp Müdafiə nazirini vəzifədən azad edə bilər - AÇIQLAMA
ABŞ Prezidenti Donald Tramp Müdafiə naziri Pit Heqsetin fəaliyyətindən razı olduğunu bildirib. O, Heqsetin öz vəzifəsinin öhdəsindən uğurla gəldiyini vurğulayıb. Tramp eyni zamanda, P.Heqsetin fəaliyyətinin Pentaqonun işini pozduğu barədə iddiaları rədd edib və bu fikirləri “yalançı medianın uydurmaları” adlandırıb. O, Pentaqonda bir çox pis insanlardan təmizləmə aparır və bu, bəzilərinin narahatlığına səbəb ola bilər. Amma hamı ondan razıdır”, – Tramp əlavə edib.
Bu barədə Crossmedia.az-a açıqlama verən politoloq Əziz Əlibəyli qeyd edib ki, sözügedən məsələdə əsas problem ondan ibarətdir ki, son bir aydır Pentaqonda xaos hökm sürür: "Trampın planlaşdırdığı hərbi əməliyyatlar, planlar, sızır və ifşa olunu. Hətta bir neçə gün əvvəl Tramp bir neçə məmuru da işdən çıxartdı. Amma Pit Heqsetin bu vəziyyətdə çox qalması mümkün deyil".
Politoloqun fikrincə məsələ tam da bunlarla əlaqədar deyil: "Çünki İlon Maskın qrupu onlara da müdaxilə edib və müəyyən hesabatlar hazırlayıb. Qurumda çoxlu sayda həm təfərrüat planlarının, həm də hərbi xərclərlə bağlı məsələlərin qaydasında olmamasını və çox pis formada piar siyasətinin qurulduğunu əsas göstərib".
Ə.Əlibəyli Pentaqon rəhbərinin yaxın vaxtlarda azad olunmasını gözləməyin daha məqsədəuyğun olduğunu vurğulayıb.
Fatimə Məmmədova
18:45 22.04.2025
Oxunuş sayı: 886
