Azərbaycanda vergi daxilolmaları 2 milyard manatdan çox olub
Bu ilin yanvar ayında İqtisadiyyat Nazirliyi yanında Dövlət Vergi Xidmətinin xətti ilə dövlət büdcəsinə 2 milyard 259,9 milyon manat vergi daxil olub.
Crossmedia. az bu barədə quruma istinadən xəbər verir.
Aylıq vergi daxilolmalarının 1 milyard 378,2 milyon manatı və yaxud 61 %-i qeyri-neft-qaz sektorunun payına düşüb. Bu isə 1 il əvvələ nisbətən 11,6 % çoxdur.
Bu il Dövlət Vergi Xidmətinin xətti ilə büdcəyə 15,5 milyard manat vəsaitin daxil olması proqnozlaşdırılır ki, bunun da 75,3 %-nin və yaxud 11,67 milyard manatının qeyri-neft-qaz, 24,7 %-nin və yaxud 3,83 milyard manatının isə neft-qaz sektorunun payına düşəcəyi gözlənilir.
Bunlar, ötən illə müqayisədə müvafiq olaraq 18 % çox və 3,6 % azdır.
Bu il qeyri-neft-qaz sektoru üzrə vergi gəlirlərinin qeyri-neft ÜDM-nə nisbəti 12,7 % həddində proqnozlaşdırılır.
11:19 18.02.2025
Oxunuş sayı: 2371
