Azərbaycan ötən il 11,5 milyard kubmetr qaz tədarük edib
2024-cü ildə Azərbaycanın Türkiyəyə təbii qaz ixracı 11,478 milyard kubmetr təşkil edib.
Crossmedia.az xəbər verir ki, bu barədə “İnterfaks” Beynəlxalq Enerji Agentliyinin (IEA) aylıq hesabatına istinadən məlumat yayıb.
IEA-nın hesabatı Türkiyənin Enerji Bazarını Tənzimləmə Qurumunun (EPDK) icmalından bir neçə gün əvvəl dərc olunur.
Agentliyin məlumatına görə, Azərbaycan ötən ilin dekabrında Türkiyəyə 1,037 milyard kubmetr qaz tədarük edib, əvvəlki ilin dekabrında isə bu göstərici 962 milyon kubmetr olub, yəni tədarük həcmi 7,8 % artıb.
2024-cü ilin yekunlarına görə, Azərbaycan Türkiyəyə qaz tədarükü üzrə ikinci yerdə qərarlaşıb. Birinci yeri 21,374 milyard kubmetrlə Rusiya, üçüncü yeri isə 7,043 milyard kubmetrlə İran tutub.
09:57 18.02.2025
Oxunuş sayı: 3112
