Azərbaycan Çexiyaya neft tədarükünü 30 % artırıb
2024-cü ildə Azərbaycan Çexiyaya neft tədarükünü 2023-cü illə müqayisədə təxminən 30 % artıraraq 2,6 milyon tona çatdırıb.
Crossmedia.az xəbər verir ki, bu barədə “İnterfaks” Çexiyanın Sənaye və Ticarət Nazirliyinə istinadən məlumat yayıb.
Nazirliyin məlumatına görə, Azərbaycan ötən il 40 % payla Çexiyaya neft tədarükü üzrə ikinci təchizatçı olub.
Ümumilikdə, 2024-cü ildə Çexiya 6,5 milyon ton neft idxal edib ki, bu da 2023-cü ilin göstəricisindən 12 % azdır.
Tədarük həcminə görə birinci yeri 2,7 milyon tonla (1,6 dəfə az) Rusiya tutub. Tədarük həcminə görə ilk üçlüyü Qazaxıstan 1 milyon tonla (1,3 dəfə çox) tamamlayıb.
09:42 18.02.2025
Oxunuş sayı: 3229
