Türk İnvestisiya Fondu ilk layihələri maliyyələşdirir: “Üstünlüklər qazandırır”
Türk İnvestisiya Fondunun prezidenti Bağdan Amryev deyib ki, fondun ilk layihələri maliyyələşdirməyə başlaması gözlənilir.
Bu addım türk dövlətləri arasında iqtisadi inteqrasiyanı gücləndirmək, ticarət və sərmayə axınını artırmaq və strateji investisiya layihələrini dəstəkləmək məqsədi daşıyır. Fond çərçivəsində həyata keçiriləcək investisiya proqramları əsasən infrastruktur, sənaye, kiçik və orta sahibkarlıq sahələrini əhatə edəcək.
Mövzu ilə bağlı iqtisadi ekspert Natiq Cəfərli Crossmedia.az -a açıqlama verib:
“Hələki Türk Dövlətləri Təşkilatının investisiya fondunun həcmi və hansı layihələrə üstünlük verəcəyi ilə bağlı danışıqlar davam edir. Amma ümumilikdə yeni bir fondun yaradılması və bu fond vasitəsi ilə türk dövlətlərində müəyyən layihələrin maliyyələşdirilməsi imkanı təbiiki pozitiv faktordur. Düşünürəm ki, ilkin olaraq elə layihələrə pul ayrılacaq ki, bir neçə ölkənin marağını özündə ehtiva etsin. Yəni Türk Dövlətləri Birliyinə daxil olan ölkələrin birgə layihələri olacaq. İstər istehsalat, istər xidmət, istərsə də digər layihələrdə. Ona görə də istənilən halda belə bir fondun yaradılması və belə bir fonda çıxış imkanları əldə etmək, əlavə iqtisadi üstünlüklər qazandırır”.
Ayhan Ağarzayev
17:05 15.02.2025
Oxunuş sayı: 5736
