Yeni səfir Niderlanddakı Azərbaycan icmasının üzvləri ilə görüşüb
Azərbaycanın Haaqadakı səfiri Məmməd Əhmədzadə Niderlanddakı Azərbaycan icmasının üzvləri ilə görüşüb.
Crossmedia.az xəbər verir ki, bu barədə azərbaycanlı diplomat sosial şəbəkədə bildirib.
“Niderlanddakı Azərbaycan icmasının üzvləri ilə ilk görüşümdən çox məmnun oldum. Həmvətənlərimizin hər birinə iştiraka və maraqlı müzakirələrə görə dərin təşəkkürümü bildirir, görüşlərimizin davamlı olacağına ümid edirəm. Biz birlikdə güclüyük!”, – diplomatik missiyanın başçısı qeyd edib.
Xatırladaq ki, yanvarın 29-da Azərbaycanın Haaqadakı səfiri Məmməd Əhmədzadə etimadnaməsini Niderlandın kralı Villem-Aleksanderə təqdim etmişdi.
Ötən il dekabrın 20-də Azərbaycan Prezidenti İlham Əliyev
diplomatı sözügedən ölkədə səfir təyin etmişdi.
05:00 08.02.2025
Oxunuş sayı: 2911
