BMT-də COP29-un əsas nailiyyətləri vurğulanıb
Azərbaycanın BMT yanında Daimi Nümayəndəliyi BMT-nin İqtisadi və Sosial Şurasının Koordinasiya Seqmentində təmsil olunub, tədbirdə Bakıda keçirilən COP29 çərçivəsində əldə edilən mühüm nailiyyətlər vurğulanıb.
Bu barədə diplomatik nümayəndəliyin mətbuat xidmətindən məlumat verilib.
Qeyd olunub ki, Azərbaycan tərəfi Dayanıqlı İnkişaf Məqsədlərinin (DİM) təşviqində davamlılığı və inklüzivliyi təmin etmək üçün transformasiya həllərinə sadiqliyini təsdiqləyib.
Tədbirdə COP29-un əsas nailiyyətləri, o cümlədən iqlim dəyişikliyi ilə mübarizə tədbirlərinin gücləndirilməsinə yönələn Fəaliyyət Proqramı və “İqlim və Sağlamlıq üzrə Bakı COP Sədrliklərinin Varislik Koalisiyası”nın əhəmiyyəti vurğulanıb.
Həmçinin vurğulanıb ki, COP29-da müvafiq fəaliyyətlər nəticəsində yaranan impuls daha iddialı məqsədlər və gücləndirilmiş tərəfdaşlıq üçün əsas rol oynamalıdır.
BMT-nin Üzv Dövlətləri DİM-ə yaxından uyğun gələn COP29 öhdəliklərini və bəyannamələrini dəstəkləməyə dəvət edilib.(report)
05:10 07.02.2025
Oxunuş sayı: 4449
