İran ABŞ-ni yenə hədələdi: “İqtisadi təzyiqdən istifadə etməklə…”
İran ABŞ-a növbəti dəfə xəbərdarlıq edib. Ölkənin xarici işlər naziri Abbas Araqçi bildirib ki, ABŞ-nin onun nüvə obyektlərinə hücumu böyük səhv olar. Qeyd olunub ki, İran mümkün ssenariyə dərhal cavab verəcək.
Bu tərəflər arasında gərginliyi yenidən artıra bilər.
Crossmedia.az-a danışan politoloq, professor Əlimusa İbrahimovun sözlərinə görə,
ABŞ Prezidenti Donald Trampın ikinci prezidentlk müddətində İsrailin baş naziri Benyamin Netanyahuya İranın nüvə obyektlərinə zərbələr endirmək və ABŞ-ın neft sənayesinə qarşı sanksiyalarını daha da gücləndirmək səlahiyyəti verə biləcəyi ilə bağlı bəyanatlar İranın siyasi və hərbi rəhbərliyində təmsil olunan xadimlər arasında narahatlıqlar artıb: “Bu narahatlıqlar və iqtisadi şəraitlə bağlı İranda artan çıxışlar Tehranı sürətlə inkişaf edən nüvə proqramının taleyinə dair Tramp administrasiyası ilə danışıqlara məcbur edə bilər. Araqçi İranl ABŞ arasında etimadın möhkəmləndirilməsi üçün ilk addım olaraq ABŞ-ın bloklanmış İran fondlarını azad edə biləcəyini təklif edib.
2018-ci ildə o vaxtkı prezident Tramp İran və bir qrup dünya qüdrətli dövlət arasında 2015-ci ildə imzalanmış nüvə sazişindən-P5+1-dən imtina etdi. Həmçinin İslam ölkəsinə qarşı “maksimum təzyiq” siyasətinin bir hissəsi olaraq ABŞ-ın sərt sanksiyalarını yenidən gündəmə qaytardı. Buna cavab olaraq Tehran uranın zənginləşdirilməsini sürətləndirmək də daxil olmaqla, razılaşmanı bir neçə istiqamətdə pozdu”.
Analitik söyləyib ki, Tramp İranla münasibətdə əvvəlki hakimiyyəti dövründə yürütdüyü siyasətə qayıdacağına söz verib ki: “Bu siyasət ölkəni nüvə proqramı, ballistik raket proqramı və regional fəaliyyətlərlə bağlı razılığa gəlməyə məcbur etmək üçün iqtisadi təzyiqdən istifadə etməyi özündə birləşdirir. Amma bu ona nəsib olacaqmı? Mütəxəssislər bir qədər pessimist yanaşırlar. Bunun da fərqli səbəbləri var”.
Kənan Novruzov
19:05 01.02.2025
Oxunuş sayı: 12111
