Qərbdə ikitirəlik: Tramp Aİ-dən üz döndərir? - Açıqlama
ABŞ Avropa İttifaqı (Aİ) ilə əlaqələri kəsir. Bildirilib ki, ABŞ Prezidenti Donald Tramp Aİ ilə münasibətləri donduraraq, birbaşa bu ittifaqa daxil olan ölkələrlə əlaqələrə üstünlük verir.
ABŞ və Avropa İttifaqı (Aİ) arasında uzun illərdir davam edən sıx əməkdaşlıq münasibətləri qlobal siyasət və iqtisadiyyatın vacib dayaqlarından biri hesab olunur. Lakin son dövrlərdə ABŞ-nin Aİ ilə münasibətləri yenidən nəzərdən keçirməsi və əlaqələrdə fərqli yanaşmalara üstünlük verməsi diqqət mərkəzindədir. Xüsusilə Donald Tramp administrasiyası dövründə ABŞ-ın Avropa ilə birbaşa üzv dövlətlər vasitəsilə işləmək istəyini ifadə etməsi bu münasibətlərin gələcək perspektivinə dair müxtəlif suallar doğurub.
Trampın Aİ ilə əlaqələrinin irəliləməsi və nəticələrin necə olacağı barədə Crossmedia.az-a açıqlama verən Azərbaycan
Milli Məclis deputatı Asim Mollazadənin fikrincə, ABŞ Avropa İttifaqı ilə
münasibətlərini kəsməyəcək: “Donald Trampın administrasiyası bəyan edib ki, ABŞ
Aİ ölkələri ilə əlaqələri Brüssel vasitəsilə deyil, birbaşa üzvlərlə quracaq.
Bu səbəbdən ABŞ və Aİ arasındakı münasibətlərin pozulacağını düşünmürəm”.
A.Mollazadə bildirib ki, ikitərəfli əlaqələr vasitəçilərlə qurulan münasibətlərdən daha uğurlu olur: “Birbaşa dialoq və əməkdaşlıq həm tərəflər arasında güvəni artırır, həm də qarşılıqlı maraqların daha effektiv şəkildə təmin olunmasına imkan yaradır”.
Fidan Hacızadə
14:33 28.01.2025
Oxunuş sayı: 17145
