Donald Tramp bu hərbiçilərin xidmətini bərpa edəcək
ABŞ prezidenti Donald Tramp COVID-19-a qarşı vaksin olunmaqdan imtina edən hərbçiləri yenidən xidmətə bərpa etməyi planlaşdırır.
Crossmedia.az “Lenta.ru”a istinadən xəbər verir ki, fərmana əsasən, xidmətə bərpa olunan hərbçilərin əvvəlki rütbələri qaytarılacaq, onlara əmək haqqı ödənəcək və sosial təminatları veriləcək. Qeyd edək ki, ABŞ-ın əvvəlki prezidenti Cozef Bayden’in administrasiyası dövründə vaksin olunmayan 8 mindən çox hərbçi ordu sıralarından çıxarılmışdı.
Əvvəlki xəbərlərə görə, COVID-19 pandemiyasından sonra Tramp administrasiyası, virusları daha təhlükəli və ya yoluxucu edən “riskli və mübahisəli” araşdırmaların federal maliyyələşməsini dayandıracaq fərman hazırlayır. Fərmanın məqsədi ABŞ-dan maliyyələşən alimlərin insan sağlamlığına təhlükə yarada biləcək virusların tədqiqatlarını aparmalarının qarşısını almaqdır.
Bununla yanaşı, bir çox virusoloqlar qeyd edir ki, virusların müvafiq tənzimləmə ilə nəzarət olunan şəraitdə tədqiqi gələcək pandemiyalarla mübarizəyə hazırlıq üçün vacibdir.
Nərgiz Camalzadə
18:30 27.01.2025
Oxunuş sayı: 7955
