İsrail snayperi Qəzzada bir fələstinlini öldürüb
Qəzza zolağının cənubundakı Rəfah şəhərində İsrail hərbçilərinin açdığı atəş nəticəsində bir fələstinli həyatını itirib.
Crossmedia.az xəbər verir ki, səhiyyə mənbələrindən alınan məlumata görə, Rəfah şəhərinin mərkəzindəki Şəhidlər Meydanında bir fələstinli israilli snayperçi tərəfindən vurularaq öldürülüb.
İsrail ordusu bu gün səhər saatlarında Qəzza zolağının şimalına qayıtmağı gözləyən fələstinlilərə atəş açıb. Hücumda biri uşaq olmaqla 5 fələstinli yaralanıb.
Soyuq havaya baxmayaraq, çoxlu sayda məcburi köçkün fələstinli Netzarim dəhlizinə ən yaxın nöqtəyə toplaşıb. Qəzza zolağının şimalına qayıtmağa icazə verilməsini gözləyib.
Fidan Hacızadə
15:30 26.01.2025
Oxunuş sayı: 3079
