ABŞ İsrailə 1 tonluq bombaların tədarükünə icazə verdi
Ağ Evin Pentaqona İsrailə 1 tonluq bombaların tədarükü ilə bağlı əvvəlki məhdudiyyəti aradan qaldırmaq göstərişi verdiyi iddia olunur.
Crossmedia.az xarici mətbuata istinadən xəbər verir ki, İsrail hökuməti cümə günü Pentaqon tərəfindən məhdudiyyətin ləğvi və 1 tonluq bombaların tədarükü barədə məlumatlandırılıb. Rəsmilər, 1800 ədəd MK-84 tipli 1 tonluq bombanın gəmi vasitəsilə yaxın günlərdə İsrailə çatdırılacağını bildiriblər.
Bu qərarla bağlı hələlik Ağ Evdən rəsmi açıqlama verilməyib.
Xatırladaq ki, 2024-cü ilin may ayında ABŞ sabiq prezidenti Cozef Baydenin rəhbərliyi ilə İsrailin mülki itkilərin çox olduğu Rafah şəhərinə hücum planı bəyan edildikdən sonra, 1 tonluq və 227 kiloqramlıq bombalardan ibarət bir tədarük dayandırılmışdı. O vaxt yayılan məlumatlara görə, həmin göndərişdə 1800 ədəd 1 tonluq və 1700 ədəd 227 kiloqramlıq bomba yer almışdı.
Hadisə ilə bağlı yeni açıqlamalar gözlənilir.
Fidan Hacızadə
16:36 26.01.2025
Oxunuş sayı: 6635
