Rusiya ərazisinə hücumların artması Ukraynanın güclənən mövqeyini göstərir - Rəy
Rusiya ərazisinə hücumların intensivliyinin artması, Ukraynanın mümkün danışıqlar zamanı mövqeyinin güclənməsi ilə bağlı ola bilər.
Crossmedia.az bildirir ki, bu barədə Ukrayna Silahlı Qüvvələrinin ehtiyatda olan mayoru, hərbi ekspert Oleksiy Hetman “Radio NV” efirində danışıb.
“ABŞ-ın yeni seçilmiş prezidentinin və onun administrasiyasının bəyanatlarını eşidirik. Onlar əsasən Rusiyaya təzyiq göstərir və müəyyən addımlar atmağı tələb edirlər. Biz isə güclü mövqeyə sahib olmalıyıq. Güclü mövqe,ə ordumuzun Rusiya ərazisində yerləşməsi və onların hərbi-sənaye komplekslərinin məhv edilməsindədir,” – deyə Hetman bildirib.
Ekspert əlavə edib ki, bu yolla Ukrayna Rusiyanın zəifliyini nümayiş etdirir.
Onun fikrincə, bu davam edərsə, Rusiyanın ordusunda hətta yanacaq-sürtgü materialları ilə bağlı problemlər yarana bilər. “Biz göstəririk ki, müdafiəni saxlamağa və onun ərazisindəki obyektləri məhv etməyə qadirik,” – deyə Hetman vurğulayıb.
Gültac Mehdizadə
17:03 26.01.2025
Oxunuş sayı: 9629
