Hindistanın Cammu və Kəşmir bölgəsində 17 müəmmalı ölüm araşdırılır
Hindistanın Cammu və Kəşmir bölgəsinin Rajouri rayonunda yerləşən Badhal kəndində 7 dekabrdan bəri 17 nəfərin, əksəriyyəti uşaq olmaqla, müəmmalı şəkildə həyatını itirməsi ilə bağlı araşdırmalar aparılır.
Crossmedia.az xəbər verir ki, Hindistanın səhiyyə rəsmiləri ölümlərin qida zəhərlənməsi əlamətləri ilə başladığını, lakin sonradan qurbanların qəfil huşlarını itirdiyini açıqlayıb. 12 uşaq daxil olmaqla, 17 nəfərin ölümü kəndin sakinləri arasında böyük narahatlığa səbəb olub.
Hadisənin baş verdiyi kənddə tibbi ekspertlər və hüquq-mühafizə orqanları genişmiqyaslı araşdırmalar aparır. Rəsmilər, kənd sakinlərini ehtiyatlı olmağa və hər hansı şübhəli əlamət olduqda dərhal məlumat verməyə çağırıblar.
14:49 26.01.2025
Oxunuş sayı: 8568
