Rasizmə Yox! - Almaniya şəhərlərində kütləvi etirazlar
Almaniyanın paytaxtı Berlində təxminən 100,000 nəfər Almaniya üçün Alternativ (AfD) partiyasına qarşı etiraz mitinqində iştirak edib.
Crossmedia.az xarici KİV-ə istinadən xəbər verir ki, bəzi etirazçılar şamlar və fənərlər tutublar. Digərləri isə “Rasizmə və Nasizmə son,” “AfD-yə yox” və “Bütün Berlin AfD-yən nifrət edir” yazılmış plakatlar daşıyıblar.
Etirazçılar həmçinin Xristian Demokrat İttifaqının lideri Fridrix Mersin immiqrasiya qanunlarını sərtləşdirmək təklifi ilə bağlı tənqid ediblər.
Şənbə günü Köln şəhərində yağışlı havaya baxmayaraq, təxminən 40,000 nəfər oxşar bir mitinqdə iştirak edib. Digər Almaniya şəhərlərində də etiraz aksiyaları keçirilib, lakin onların miqyası daha kiçik olub.
AfD Almaniyada sağçı populist partiya kimi tanınır. Digər siyasi qüvvələr bu partiya ilə ittifaq qurmağı rədd edir.
Maral Şahverdili
13:21 26.01.2025
Oxunuş sayı: 9729
