İsrail Qəzzada 200 fələstinlinin azad edilməsini təsdiqləyib
Qəzza zolağında saxlanılan 4 israilli girovun səhər saatlarında İsrailə təhvil verilməsindən sonra Ofer və Ketsiot həbsxanalarından 200 fələstinli məhbus azad edilib.
Crossmedia.az “BBC”yə istinadla xəbər verir ki, bu barədə İsrail Həbsxana xidməti bəyanat yayıb.
“Ofer həbsxanasından azad edilən bütün məhbuslar İordan çayının Qərb sahilindəki Fələstin ərazilərinə göndərilib. Ketsiot həbsxanasından olan məhbuslar isə İsrailin Qəzza zolağı ilə sərhədində, Misir sərhəd-keçid məntəqəsinin yaxınlığında yerləşən “Kerem-Şalom” nəzarət-buraxılış məntəqəsinə göndərilib. Yanvarın 25-i səhər saatlarında Qəzza zolağında yeni israilli girovlar qrupu azad edilib. Qrupa HƏMAS-ın 2023-cü il oktyabrın 7-də hücumu zamanı İsrailin Fələstin anklavı ilə sərhədində xidmət edən dörd hərbçi qadın daxil idi. Onlar artıq hərbçilərin müşayiəti ilə İsrailə çatıblar”,-deyə məlumatda qeyd olunur.
Nəzrin Salmanova
12:29 26.01.2025
Oxunuş sayı: 70487
