Almaniyada radikalizmin artmasına qarşı minlərlə insan etiraz edib
Almaniyanın bir çox şəhərində radikal qruplara qarşı etiraz aksiyaları keçirilib.
Crossmedia.az xəbər verir ki, ən böyük aksiya paytaxt Berlində "Sağçılara qarşı" şüarı altında təşkil edilib. Brandenburq Qapısı yaxınlığında təxminən 100 min nəfər toplaşaraq sağçı ekstremistlərə və Almaniya üçün Alternativ (AfD) Partiyasına qarşı etirazlarını ifadə edib.
Köln şəhərində keçirilən demokratiya yürüşündə 20 min insan iştirak edib. Halle (Saale) şəhərində isə AfD-nin təbliğat tədbirinə qarşı 10 mindən çox nümayişçi etiraz aksiyası keçirib.
Aschaffenburg şəhərində, yaxın günlərdə əfqan miqrantın iki nəfəri qətlə yetirdiyi hadisədən sonra keçirilən mitinqdə iştirakçılar sağçı siyasətin cəmiyyətdə və idarəetmədə artan təsirinə qarşı narazılıqlarını bildiriblər.
Etirazçılar sağçı radikalizmin demokratik dəyərlərə təhdid yaratdığını vurğulayaraq, onun cəmiyyətdə artan təsirinə qarşı mübarizə aparılmasının vacibliyini qeyd ediblər.
Nihat Tahirov
12:08 26.01.2025
Oxunuş sayı: 6994
