Dodon Sandunun Kiyev səfərini tənqid edib
Moldovanın sabiq prezidenti, Sosialistlər Partiyasının lideri İqor Dodon dövlət başçısı Maia Sandunun Kiyevə səfərini və orada Volodimir Zelenski ilə görüşünü tənqid edib.
Crossmedia.az xəbər verir ki, Dodon bu fikirləri Kopanka kəndinin sakinləri ilə görüşü zamanı səsləndirib.
"Sandu bu gün müharibədə Zelenskini dəstəkləmək üçün Kiyevə getdi. O, bu gün Kiyevə yox, yenidən Kopankaya, Moldovanın digər yaşayış məntəqələrinə getməli idi. O, qaz və elektrik enerjisi ilə bağlı problemləri həll etməli, Brüsseldəki rəhbərlərinin əmri ilə digər ölkələr qarşısında baş əyməməlidir," – Dodon qeyd edib.
Sabiq prezidentin bu bəyanatı ölkə siyasətində geniş rezonansa səbəb olub. Sandunun bu məsələyə cavab verib-verməyəcəyi maraqla gözlənilir.
Nihat Tahirov
21:46 25.01.2025
Oxunuş sayı: 10430
