ABŞ Meksika ilə sərhədə əlavə qüvvələr yerləşdirməyi müzakirə edir
ABŞ prezidenti Donald Trampın administrasiyası təhlükəsizlik tədbirlərini gücləndirmək məqsədilə Meksika ilə sərhədə əlavə hərbi qüvvələr və zirehli texnika, o cümlədən Stryker zirehli texnikasının göndərilməsi imkanını nəzərdən keçirir.
Crossmedia.az Washington Post qəzetinə istinadən xəbər verir ki, Kolorado ştatındakı 4-cü Piyada Diviziyasından 2500-ə qədər dəniz piyadası və mexanikləşdirilmiş piyada briqadası, həmçinin Şimali Karolinada yerləşən 82-ci hava-desant diviziyasının bölmələrinin sərhəd ərazisində yerləşdirilməsi ehtimalı müzakirə olunur.
Məlumatda vurğulanır ki, bu addım sərhəd təhlükəsizliyini təmin etmək məqsədi daşıyır.
21:15 25.01.2025
Oxunuş sayı: 3673
