Neft-qaz

Ötən il Azərbaycandan 25 ölkəyə 14,4 milyard dollar dəyərində neft ixrac edilib

Ötən il Azərbaycandan 25 ölkəyə 14,4 milyard ABŞ dolları dəyərində 23,6 milyon ton bitumlu süxurlardan alınmış xam neft və xam neft məhsulları ixrac edib.

Crossmedia.az Dövlət Gömrük Komitəsinin hesabatına istinadən məlumatına görə, 2023-cü illə müqayisədə bu göstərici dəyər ifadəsində 1,8 milyard ABŞ dolları (11,1%), həcm ifadəsində isə 2,4 milyon ton (9,4%) azdır.

Məlumata əsasən, dövr ərzində ölkədən ən çox neft İtaliyaya ixrac edilib.

Belə ki, ötən il İtaliya Azərbaycandan 6,7 milyard ABŞ dolları dəyərində 10,9 milyon ton bitumlu süxurlardan alınmış xam neft və xam neft məhsulları idxal edib. Bununla da sözügedən ölkə növbəti dəfə Azərbaycanın ümumi neft ixracında liderliyini qoruyub.

Azərbaycanın ümumi neft ixracında ikinci yerdə Çexiya qərarlaşıb. Hesabat dövründə bu ölkəyə 1,1 milyard ABŞ dolları dəyərində 1,8 milyon ton bitumlu süxurlardan alınmış xam neft və xam neft məhsulları ixrac edilib.

Siyahının üçüncü pilləsini Xorvatiya tutur. Belə ki, ötən il Xorvatiya Azərbaycandan 873,4 milyon ABŞ dolları dəyərində 1,4 milyon ton neft idxal edib.

Azərbaycandan ötən il bitumlu süxurlardan alınmış xam neft və xam neft məhsulları ixrac edilən ölkələrin siyahısını təqdim edirik:

Malın adı	Ölkələr	Miqdar (ton)	Statistik dəyər (min ABŞ dolları)
Bitumlu süxurlardan alınmış xam neft və xam neft məhsulları	Cəmi	23 596 132.23	14 437 355.99
	İtaliya	10 950 355.57	6 754 416.21
	Çexiya	1 770 234.87	1 081 932.85
	Xorvatiya	1 436 178.46	873 398.61
	Hindistan	1 168 876.01	729 796.92
	Almaniya	1 164 752.04	726 014.74
	İsrail	1 173 002.75	713 268.03
	Portuqaliya	1 005 213.63	631 169.31
	Rumıniya	750 196.86	437 801.43
	Böyük Britaniya	659 515.53	396 129.55
	Tunis	446 158.56	279 670.09
	Tailand	376 876.12	234 238.66
	Türkiyə	430 522.14	232 411.46
	Yunanıstan	368 732.32	224 266.99
	İndoneziya	310 833.01	178 463.01
	Serbiya	241 179.61	151 905.17
	İspaniya	250 395.80	142 979.29
	İrlandiya	236 571.80	139 774.63
	Niderland	168 985.69	106 838.99
	Fransa	152 571.03	88 203.85
	Uruqvay	138 719.62	85 099.83
	Vyetnam	138 495.13	77 885.77
	Polşa	90 150.50	57 363.56
	Avstriya	85 868.91	47 903.69
	Bolqarıstan	80 853.09	45 989.25
	Özbəkistan	893.20	434.09