TÜRKPA-nın Baş katibi: Türk dövlətləri "yaşıl enerji"nin təşviqini sürətləndirməlidirlər
Türk dövlətləri "yaşıl enerji"nin təşviqini sürətləndirməlidirlər.
Crossmedia.az xəbər verir ki, bunu TÜRKPA-nın Baş katibi Mehmet Süreyya Er Milli Məclisdə keçirilən "İqlim dəyişmələri və sağlamlıq: Qanunvericilikdə iqlim dəyişmələrinin sağlamlığa təsirlərinə dair cavab tədbirləri" mövzusuna həsr edilmiş TÜRKPA üzv parlamentlərinin Səhiyyə komitələri sədrlərinin ikinci iclasında deyib.
Onun sözlərinə görə, iqlim dəyişmələrinin təsirlərinin azaldılması, səhiyyə sistemlərinin təkmilləşdirilməsi istiqamətində beynəlxalq səviyyədə əlaqələndirilmə mühüm əhəmiyyət daşıyır:
"Səhiyyə sistemlərinin yükü durmadan artır. Qarşımızda duran əsas vəzifə iqlim dəyişmələrinin zərərli təsirlərinin azaldılması istiqamətində tədbirlər görməkdir. Bu, çox çətin bir vəzifədir. İnanırıq ki, türk dövlətlərinin əməkdaşlığı bu kimi məsələlərin həllində qlobal səylərin təşviqinə töhfə verəcək".
13:12 22.01.2025
Oxunuş sayı: 5744
