Bakıda 7 dərəcə isti, dağlıq ərazilərdə 8 dərəcə şaxta qeydə alınıb
Yanvarın 12-si saat 9:00-a olan faktiki hava açıqlanıb.
Crossmedia.az xəbər verir ki, Milli Hidrometeorologiya Xidmətindən verilən məlumata görə, ölkə ərazisində hava şəraiti sabit, əsasən yağmursuz keçib.
Qərb küləyi əsib, arabir Qobustanda 16 metr/saniyəyədək güclənib.
Sumqayıt, Pirallahı, Yevlax, İmişli, Sabirabad, Cəfərxan, Naxçıvan, Quba, Şabranda duman müşahidə olunub, dumanda görünüş 200 metrədək məhdudlaşıb.
Havanın temperaturu Bakıda və Abşeron yarımadasında 7 dərəcəyədək isti, Aran rayonlarında 1 dərəcə şaxtadan 5 dərəcəyədək isti, Naxçıvan Muxtar Respublikasında və dağlıq rayonlarda 8 dərəcəyədək şaxta qeydə alınıb.
08:17 12.01.2025
Oxunuş sayı: 6659
