9 ölkə "tərəfdaş dövlət" statusu ilə BRICS-ə qoşulacaq
Rusiya Xarici İşlər Nazirliyi Belarus, Boliviya, Kuba, İndoneziya, Qazaxıstan, Malayziya, Tailand, Uqanda və Özbəkistanın 2025-ci ilə qədər BRİCS-ə “tərəfdaş dövlət” kimi qoşulacağını açıqlayıb.
Crossmedia.az xəbər verir ki, bu barədə Rusiya Xarici İşlər Nazirliyindən verilən yazılı açıqlamada məlumat verilib. Həmçinin açıqlamada Kazanda keçirilən BRİCS sammitində ittifaq daxilində ümumi dövlət statusunun yaradılması ilə bağlı razılığın da əldə edildiyi xatırladılıb.
Əlavə olaraq daha 4 ölkəyə eyni statusda iştirak üçün dəvət göndərildiyi bildirilir.
“Birlik nəzdindəki işbirliklərinə mümkün olduqca aktiv şəkildə qatıla bilsinlər deyə ortaq ölkələrlə yaxın əməkdaşlıq qurmağı planlaşdırırıq” açıqlamada bildirilir.
Tərlan Əmrahova
15:16 27.12.2024
Oxunuş sayı: 4062
