Yaxın Şərq

İqtisadi əməkdaşlıq İranı siyasi baxımdan uyğunlaşmağa məcbur edəcək

İranın Avrasiya İqtisadi İttifaqında (Aİİ) müşahidəçi statusu əldə etməsi, regionda iqtisadi əməkdaşlıq və inteqrasiya proseslərinə yeni bir təkan verə bilər. Bu status İranın İttifaqın qərarlarına təsir etmədən onun fəaliyyətində yaxından iştirak etməsinə imkan tanıyır.

Mövzu ilə bağlı Ədalət Partiyasının sədr müavini Mütəllim Rəhimli Crossmedia.az-a verdiyi açıqlamasında İranın uzun illərdir ABŞ və Qərb ölkələri tərəfindən sanksiyalara məruz qaldığını bildirib:

“Avrasiya İqtisadi İttifaqına qoşulmaqla İran bu sanksiyaların ağır yükünü azaltmaq istəyir. İrana iqtisadi əlaqələr və siyasi dəstək üçün regional qurumlarla əməkdaşlıq isə olduqca vacibdir. Avrasiya İqtisadi İttifaqına daxil olmaqla bu problemin öhdəsindən gələcək. Bu İttifaqa daxil olan ölkələrlə ticarət əlaqələri isə İranın daxili sosial daha da dayanıqlığını artıracaq”.

O, eyni zamanda İranın regional tarazlığın və sabitliyin qorunmasında da əməkdaşlığa cəlb edilə biləcəyini vurğulayıb:

“Belə ki, Yaxın Şərqdə münaqişələrin alovlanmasında, destabilliyin müdafiəsində İran fərqli rol almaqdadır. İqtisadi əməkdaşlıq isə onu siyasi baxımdan da uyğunlaşmağa məcbur edəcək”, - deyə M.Rəhimli qeyd edib.

Aytac Bəhruzqızı