Çimərlik voleybolu üzrə klublararası ölkə çempionatı başa çatıb
Azərbaycan Voleybol Federasiyası (AVF) və Gənclər və İdman Nazirliyinin birgə təşkilatçılığı ilə keçirilən çimərlik voleybolu üzrə klublararası ölkə çempionatı başa çatıb.
Crossmedia.az xəbər verir ki, bu barədə AVF-dən məlumat verilib.
Avqustun 4-də start götürən çempionatın sonuncu günündə final qarşılaşmaları keçirilib.
Qadınların yarışında "Azərreyl Salam" və "Azərreyl Salam Sharing" klubları, kişilərin yarışında isə "FHN-2" və "Djevo" komandaları qızıl medallar uğrunda mübarizə aparıblar. "Azərreyl Salam" 2:0, "FHN-2" komandası isə 2:1 hesabı ilə qalib gələrək çempion adını qazanıblar.
Bakı Su İdmanı Sarayında təşkil olunan final qarşılaşmalarından sonra mükafatlandırma və yarışın bağlanış mərasimi keçirilib. Qaliblərə kubok, diplom və medalları AVF prezidenti Şahin Bağırov, baş katib Faiq Orucov və federasiyanın İdarə heyətinin üzvü Elqar Bağırov təqdim ediblər.
Çempion olan komandalar bu il keçiriləcək klublararası Avropa çempionatında ölkəmizi təmsil edəcəklər.
22:39 08.08.2026
Oxunuş sayı: 62
