Finlandiyada Estlink 2 enerji kabelinin zədələnməsi ilə bağlı “Eagle S” tankeri araşdırılır
Finlandiya hakimiyyəti Estoniya ilə Finlandiya arasında enerji əlaqəsi yaradan Estlink 2 kabelinin zədələnməsi ilə bağlı “Eagle S” adlı neft tankerini araşdırır. Tankerin Rusiyanın embarqo olunmuş neft məhsullarını daşıyan “kölgə donanması”na aid olduğu düşünülür.
Crossmedia.az “France24”- ə istinadən xəbər verir ki, Finlandiya Milli İstintaq Bürosunun nümayəndəsi Robin Lardotun bildirib: “Cənubi Sakit Okeanda yerləşən Kuk Adalarının bayrağı altında üzən “Eagle S” tankeri ilə bağlı istintaq başladılıb”.
“Hazırda ehtimal olunur ki, bu gəmi kölgə donanmasına aiddir və yük olaraq Rusiyadan yüklənmiş qurğuşunsuz benzin daşınırdı,” - deyə Finlandiya Gömrük Xidmətinin baş direktoru Sami Rakshit qeyd edib.
Estlink 2 sualtı kabeli Milad günü şəbəkədən ayrılıb. Hadisə, təxminən bir ay əvvəl Baltik dənizində İsveç ərazi sularında iki telekommunikasiya kabelinin kəsilməsi ilə bağlı oxşar insidentdən sonra baş verib.
Finlandiyanın Baş naziri Petteri Orpo və Prezident Aleksandr Stubb hadisəni diqqətlə izlədiklərini vurğulayıb. Prezident Stubb sosial media platforması X-də bildirib ki: “Rusiyanın kölgə donanmasının yaratdığı risklər aradan qaldırılmalıdır.”
Bu hadisə regionda təhlükəsizlik və enerji infrastrukturu ilə bağlı narahatlıqları daha da artırıb.
Fidan Hacızadə
03:58 27.12.2024
Oxunuş sayı: 4215
