Sionistlər istəsə, Papanın “izi” də qalmaz
İsrail ilə Vatikan arasında son günlərdə yaşanan gərginlik dini kontekstin köklərinə dayanmaktadır. Papanın İsraili sərt tənqid etməsi və Vatikanın İsraildəki səfirinin XİN-ə çağırılması iki tərəf arasındakı münasibətlərin daha da gərginləşməsinə səbəb olub. Tarixən xristianlarla yəhudilər arasında mövcud olan ədavət bu gün yenidən gündəmə gəlib.
Mövzu ilə bağlı siyasi şərhçi Elman Vəliyev Crossmedia.az-a açıqlamasında bildirib ki, bu gərginlik dini kontekstdədir:
“Tarixin əvvəllərinə baxsaq, görərik ki, xristianlarla yəhudilər arasında ədavət olub. Xristianlar İsanın yəhudilər tərəfindən öldürüldüyü iddiası ilə onlara qarşı mənfi mövqeyə malikdirlər. Papanın bu gün “Qəzzanı düşünürəm” deyərək İsraili təqib etməsi müsəlmanları, yaxud Qəzzanı fikirləşdiyindən deyil. Yəhudi camiəsinin Vatikana gələcəkdə təhlükə törədə biləcəyindən ehtiyat edir”.
Politoloq həmçinin əlavə edib ki, Vatikan bu cür rəftarla atəşlə oynayır:
“Lakin zənn etməyək ki, ikili münasibətlərdə ekstra gərginlik olacaq. Çünki İsrail eyni anda bir neçə cəbhədə mübarizə apara bilməz və bunu istəməz. “İsrail əl-ayağın yığışdıra bilərmi?” sualına gəldikdə isə, Papanın sözündən sonra “əl-ayağın yığışdırmasını” fikirləşmək gülünc olar. Sionistlər istəsə, Papanın “izi” də qalmaz”.
Samirə Şərif
18:26 26.12.2024
Oxunuş sayı: 19625
