Bayden Rusiyanın Ukraynanın enerji şəbəkələrinə hücumunu qınadı
ABŞ Prezidenti Co Bayden, Rusiyanın Ukraynaya qarşı raket və pilotsuz uçuş aparatları ilə həyata keçirdiyi son hücumu “amansız” adlandırıb.
Crossmedia.az “Haber Global”a istinadən xəbər verir ki, ABŞ Prezidenti Bayden, yazılı açıqlama verərək Rusiyanın Ukraynaya qarşı hücumunu qınayıb.
Bayden açıqlamasında, “Bu amansız hücumun məqsədi qış aylarında Ukrayna xalqının istilik və elektrikə çıxışını kəsmək və ölkənin enerji şəbəkəsinin təhlükəsizliyini təhdid etməkdir.” qiymətləndirməsini edib.
Ukraynanın Energetika Naziri German Qaluşçenko isə Rusiya ordusunun Ukraynanın enerji infrastrukturlarına intensiv hücumlar təşkil etdiyini bildirib.
Qaluşçenko sosial media hesabından verdiyi açıqlamada, “Düşmən yenidən enerji sektoruna intensiv hücumlar təşkil edib,” ifadəsini işlədib.
Fidan Hacızadə
10:49 26.12.2024
Oxunuş sayı: 4490
