“Rusiya ilə mümkün müharibəyə hazır olun”
ABŞ Mərkəzi Kəşfiyyat İdarəsinin (CIA) məlumatına görə, Rusiya aylarla Ukraynanın şərqi və cənubundan “Kiyevə qədər işğalı hədəfləyən” böyük bir hücum üçün hazırlıq işləri görür. Ordularını cənubda Dnepr çayı, şərqdə isə Donetsk bölgəsi yaxınlarına cəmləşdirən Rusiya Prezidenti Vladimir Putin hücumdan əvvəl ABŞ-ın seçilmiş prezidenti Donald Tramp ilə görüşərək mümkün sülh şərtlərini müzakirə etmək istəyir.
Crossmedia.az “Haber Global”a istinadən xəbər verir ki, NATO-nun Baş katibi Mark Rutte bir neçə gün əvvəl verdiyi açıqlamada Rusiyanın “Ukraynanı xəritədən silməyə” çalışacağını və müharibəni Avropanın digər ölkələrinə yaymaqda qərarlı olduğunu bildirib.
Avropa ölkələrinin Baş Qərargah rəhbərləri və Baş nazirləri də təxminən bir ildir ki, vətəndaşları “Rusiya ilə mümkün müharibəyə hazır olun” çağırışları ilə xəbərdar edirlər.
ABŞ Mərkəzi Kəşfiyyat İdarəsinə yaxınlığı ilə tanınan beynəlxalq müdafiə nəşri The War Zone (TWZ) hərbi kəşfiyyat mənbələrindən əldə etdiyi məlumatlara əsasən bu hücumun çox yaxında baş verə biləcəyini bildirib.
Fidan Hacızadə
10:42 26.12.2024
Oxunuş sayı: 17870
