Tramp: Amerika ailələrini qorumaq üçün ölüm cəzası tətbiq edəcəyəm
ABŞ-nin yeni seçilmiş prezidenti Donald Tramp Amerika ailələrini cinayətkarlardan qorumaq üçün qəddar qatil və təcavüzkarlara ölüm cəzası tətbiq etmək niyyətində olduğunu bəyan edib.
Crossmedia.az xarici mətbuata istinadla xəbər verir ki, o bu barədə “Truth Social” hesabında yazıb:
“İnauqurasiyasından dərhal sonra Ədliyyə Nazirliyinə Amerika ailələrini qəddar təcavüzkarlar, qatillər və canavarlardan qorumaq üçün ölüm cəzasını aqressiv şəkildə tətbiq etməyi tapşıracam. ABŞ-ni yenidən "qanun və nizam ölkəsi" edəcəm”,- deyə o bildirib.
Qeyd edək ki, bu açıqlama Co Baydenin edam gözləyən 40 nəfərdən 37-nin ölüm cəzasını ömürlük həbs cəzasına çevirdiyi barədə xəbərlərdən sonra gəlib.
Bildirək ki, Bayden yanvar ayında federal edamların dayandırılmasına dəstək verdiyini də ifadə edib.
Nəzrin Salmanova
05:12 25.12.2024
Oxunuş sayı: 14536
