İsraildən Husilərlə bağlı gözlənilməz təlimat
İsrail Xarici İşlər Naziri Gideon Sa’ar, 24 dekabr tarixində, Avropadakı İsrail diplomatik missiyalarına, o cümlədən AB üzv dövlətləri və Böyük Britaniyadakı missiyalara, Husi qrupu olaraq tanınan Ənsar Allahın terror təşkilatı kimi qəbul edilməsi üçün təzyiq göstərməyi tapşırıb.
Bu barədə Crossmedia.az “The Jerusalem Post”a istinadən məlumat verir. Bu açıqlama, Yəməndən atılmış bir ballistik raketin İsrail hava sahəsinə girmədən öncə vurulmasının ardından, İsrailin mərkəzi bölgəsində siqnalların səsləndiyi saatlarda verilmişdir.
Sa’ar bu təlimatın əhəmiyyətini vurğulayaraq, “Husilər yalnız İsrailə deyil, bölgəyə və bütün dünyaya təhdid yaradır. Dünyanın ən sıx dəniz yolunda sərbəst gəmiçilik azadlığına olan birbaşa təhdid, beynəlxalq cəmiyyət və dünya nizamı üçün bir çağırışdır. Ən əsas və fundamental addım, onları terror təşkilatı kimi tanımaqdır”, - deyə bildirib.
Nərgiz Camalzadə
14:20 24.12.2024
Oxunuş sayı: 19486
