Belqrad meydanında serb rəhbərliyinə etiraz aksiyası keçirilir
On minlərlə insan bazar günü Serbiyanın paytaxtında etiraz keçirib. Etirazlar hökümətə qarşı idi. Crossmedia.az xarici KİV-ə istinadən xəbər verir ki, son illərin ən böyük aksiyalarından biri olan mitinqi tələbə və fermer birlikləri keçirib. Noyabrın 1-də ölkənin şimalında dəmiryol vağzalında tavanın uçması ilə 15 nəfərin ölüm hadisəsi baş verib. Həmin hadisə ilə bağlı hesabat tələb olunu və bununla da geniş bir hərəkat başlayıb.
Aksiya qurbanlar üçün 5 dəqiqəlik sükutla başlayıb. Prezident Vuciç isə "Biz onlara yenə qalib gələcəyik" deyib: "Onlar (müxalifət) kiminsə uşaqlarından istifadə etməkdən başqa nə edəcəklərini bilmirlər".
Müxalifət partiyaları bildiriblər ki, keçid hökuməti siyasi gərginlikdən çıxış yolu ola bilər. Vuçiç əvvəlcə tələbələri pul müqabilində etiraz aksiyaları keçirməkdə günahlandırırdı. Sonradan onların tələblərini yerinə yetirdiyini, o cümlədən Novi Sad stansiyasında aparılan təmir işləri ilə bağlı sənədləri dərc etdiyini bildirib.
Tərlan Əmrahova
16:41 23.12.2024
Oxunuş sayı: 14260
