Xarici xəbərlər

NATO Baltik dənizində yeni donanma qurur: hədəf bu ölkələr ola bilər

Rusiya və Çin illərdir Baltik dənizində rabitə və hərbi kabelləri zədələdikdən sonra NATO- nun avropalı üzvləri Baltik regionundan Aralıq dənizinə gedən sualtı kabelləri qorumaq üçün yeni dəniz qüvvələri yaratmağa qərar veriblər.

ABŞ Fransa, Almaniya, İngiltərə və İtaliyanın rəhbərlik etdiyi qüvvələrə də dəstək verəcək. Planda Türkiyə Aralıq dənizindəki kritik ölkə olaraq təyin olunub.

Crossmedia.az "Haber Global"a istinadən xəbər verir ki, ABŞ-ın rəhbərlik etdiyi sualtı qruplar müntəzəm sualtı mühafizə missiyalarına çıxmağa başlayıb. Baltik dənizində sualtı müharibədə Çinin də iştirak etdiyi məlum olub.

NATO mənbələri iddia edir ki, 2023-cü ilin oktyabrında Çində qeydiyyatdan keçmiş “NewNew Polar Bear” qütb tədqiqat gəmisi Baltik dənizində iki böyük hərbi məlumat kabelini və təbii qaz xətlərini zədələyib. Baş verənlər Avropanı kəskin tədbirlər görməyə sövq edir.

ABŞ-da yerləşən müdafiə nəşri "Defence News"un NATO mənbələrinə əsaslanaraq verdiyi xəbərə görə, NATO-nun avropalı üzvləri, əsasən, pilotsuz dəniz vasitələri və pilotsuz uçuş aparatlarından (PUA) ibarət yeni dəniz qüvvələri yaratmağa qərar verdilər. 4 ölkənin rəhbərliyi ilə yaradılacaq Avropa əsaslı yeni dəniz qüvvələrinə pilotsuz sualtı qayıqlar da daxil ediləcək. Həmçinin Fransa 6 min metr dərinlikdə işləyə bilən "Manta" adlı BİA hazırlayır.

İtalyan donanması, Aralıq dənizindəki sualtı bölgənin təhlükəsizliyi üçün 600 min kilometrlik sualtı kabel şəbəkəsinə sahib olan "Sparkle" şirkəti ilə ortaq şəkildə çalışır.
Almaniya kabellərin fiziki vəziyyətinə, məlumat və məlumat axınının keyfiyyətinə və layihənin yüksək texnologiyalı “sensorların yerləşdirilməsi və istehsalı" qismindən cavabdehdir.