İranda sərnişin avtobusu uçuruma yuvarlanıb: ölən və yaralananlar var
İranda sərnişin avtobusunun uçuruma aşması nəticəsində 10 nəfər ölüb, 4 nəfər yaralanıb.
Crossmedia.az "Haber Global"a istinadən xəbər verir ki, İranın Loristan əyalətində sərnişin avtobusu uçuruma aşıb.
İran Qızıl Aypara Cəmiyyətinin Loristan vilayətinin direktoru Məhəmməd Qədəmi hadisə ilə bağlı açıqlama verib.
O, Xuzistan vilayətindən Kirman şəhərinə gedən 40 nəfərlik sərnişin avtobusunun Andimeşk-Poldohter avtomobil yolunda qəza törətdiyini bildirib.
İlkin məlumata görə, 10 nəfər həyatını itirib, 4 nəfər isə yaralanıb. Bölgəyə çoxlu sayda təcili yardım və yardım qrupunun göndərildiyini bildirən Qədəmi, hadisə yerində xilasetmə işlərinin davam etdiyini, ölən və yaralananların sayının arta biləcəyini bildirib. İstintaqın davam etdiyini də söyləyib.
Tərlan Əmrahova
16:18 21.12.2024
Oxunuş sayı: 6281
