Ərdoğan: “ABŞ və Qərb İsrailin Suriyadakı aqressiyasını dayandırmalıdır”
Türkiyə Prezidenti Rəcəb Tayyib Ərdoğan bildirib ki, Qərb ölkələri, xüsusilə də ABŞ, İsrailin Suriyada etdiklərinə son qoymalıdır, əks halda gec olacaq. “Qərb ölkələri, xüsusilə də ABŞ, İsraili dayandırmaq üçün böyük məsuliyyət daşıyır.
Crossmedia.az TASS-a istinadən xəbər verir ki, onlar İsrailin Suriyada işğal siyasətinin qəbuledilməz olduğunu açıq şəkildə bəyan etməlidirlər. İsrailin regionumuzda sülh və sabitliyi təhdid edən aqressiyası dayandırılmalıdır, əks halda sabah İsrailin bumeranqı hər vəziyyətdə ona dəstək verənlərə yönələcək,” - Ərdoğan Qahirədə İqtisadi Əməkdaşlıq üzrə D-8 Təşkilatının sammitində iştirak etdikdən sonra təyyarədə jurnalistlərə açıqlamasında deyib.
“İsrail beynəlxalq hüququ pozmağa vərdiş edib. Dünya susqun qaldı, İsrail Qəzzada beynəlxalq hüququ tapdaladı. İsrail Livanda da qan axıdaraq əraziləri işğal etdi, dünya yenə susdu. Bu gün İsrailin məqsədi Suriyada qanunsuzluğunu davam etdirməkdir,” Ərdoğan 1967-ci il BMT Təhlükəsizlik Şurasının 242 saylı qətnaməsini xatırladaraq bildirib. “Həmin qətnamə İsrailin Colan təpələrini işğalını pisləyir və onun bu ərazilərdən geri çəkilməsini tələb edir. Beynəlxalq ictimaiyyətin bu qətnamənin icrası üçün tədbirlər görməsi vacibdir,” Türkiyə Prezidenti qeyd edib.
“İsrailin Suriyadakı vəziyyətdən sui-istifadə etməsinin qarşısını almaq üçün bütün beynəlxalq mexanizmlər effektiv şəkildə işə salınmalıdır,” Ərdoğan əlavə edib.
Maral Şahverdili
13:26 21.12.2024
Oxunuş sayı: 3955
