“Münbiç”də bomba partladı: Ölənlər var
Suriya Milli Ordusu (SMO) qüvvələrinin Münbiçdə toplandığı ərazidə partlayış baş verib. Nəticədə 2 SMO əsgəri həyatını itirib, 4 nəfər isə yaralanıb. Partlayışın PKK/YPG terrorçularının yerləşdirdiyi bombadan qaynaqlandığı müəyyən edilib.
Crossmedia.az “Haber Global”a istinadən xəbər verir ki, Suriya Milli Ordusu (SMO) qüvvələri Fərat çayının şərqinə keçiriləcək mümkün əməliyyat üçün Münbiçin qərb tərəfindəki bir fabriki toplanma məntəqəsi kimi seçib. SMO qüvvələri “M4” yolu üzərində yerləşən ərazidə araşdırma apardıqları zaman güclü bir partlayış baş verib. Partlayış nəticəsində 2 hərbiçi həyatını itirib, 4 əsgər yaralanıb. Partlayışın gücündən fabrika tamamilə dağılıb.
Məlumata görə, partlayış PKK/YPG terrorçularının yerləşdirdiyi bombanın işə düşməsi nəticəsində baş verib.
Nərgiz Camalzadə
12:30 21.12.2024
Oxunuş sayı: 4238
