Gürcüstanın baş naziri: Zelenski müstəqil hərəkət etmir
"Ukrayna prezidenti Volodimir Zelenski müstəqil hərəkət etmir və hökumətimiz onunla polemikaya girmək istəmir".
Crossmedia.az xarici mətbuata istinadən xəbər verir ki, bunu Gürcüstanın baş naziri İrakli Kobaxidze deyib: "O, müstəqil fəaliyyət göstərə bilməz. Səfiri Gürcüstandan geri çağıranda və ya səfirimizi Ukraynadan qovanda müstəqil deyildi. Bu, sərt reallıqdır".
Onun sözlərinə görə, Zelenski çətin vəziyyətdədir və buna əsaslanaraq Gürcüstan hökuməti onunla mübahisə etməyəcək.
Qeyd edək ki, Zelenski Avropa Şurasında çıxışı zamanı bildirib ki, Gürcüstanın hazırkı hökuməti Avropa İttifaqı ilə münasibətləri saxlamaqdan imtina edir və buna görə də rəsmi Tbilisi təzyiqlərlə üzləşməlidir.
Samirə Şərif
11:03 21.12.2024
Oxunuş sayı: 4883
