Avropalı müttəfiqlər Ukraynaya qoşun yeritməyi düşünür
Rəsmi Kiyevin avropalı müttəfiqləri, Rusiya ilə müharibəni dayandırmaq üçün mümkün razılaşma əldə ediləcəyi təqdirdə, Ukraynaya qoşun yeritmək ideyasını ciddi şəkildə müzakirə edirlər.
Crossmedia.az "The Wahsington Post"a istinadən xəbər verir ki, bu təklif, həm danışıqlar prosesini dəstəkləmək, həm də ABŞ-da Donald Trampın yenidən Ağ Evə qayıdışı ilə bağlı yaranacaq yeni şəraitə uyğunlaşmaq məqsədi güdür.
NATO rəhbəri Mark Rutte Brüsseldə Avropa liderləri və Ukrayna Prezidenti Volodimir Zelenskini qəbul edib. Görüş zamanı “yerdə çəkmələrin” perspektivi geniş müzakirə olunub. Məsələ, həmçinin bu ay Zelenski və Fransa prezidenti Emmanuel Makronun Parisdə keçirdiyi görüşlərdə də diqqət mərkəzində olub. Bu ideyanın yeni seçilmiş prezident Trampa təqdim edildiyi bildirilir.
Fidan Hacızadə
09:51 21.12.2024
Oxunuş sayı: 8474
