Ermənistan ordusunda narkotik maddə istifadəsi ikiqat artıb
Ermənistan ordusunda narkotik maddələrin istifadəsi və qanunsuz dövriyyəsi artmaqdadır.
Crossmedia.az xarici KİV-ə istinadən xəbər verir ki, Hərbi Prokurorluğun 2021-2023-cü illəri əhatə edən araşdırmasına görə, 600-ə yaxın hərbi qulluqçu narkotiklə bağlı cinayətlərə cəlb edilib. Bu faktların əksəriyyəti məcburi hərbi xidmət keçənlərə aiddir. 2023-cü ildə isə belə halların sayı iki dəfə artaraq 220-yə çatıb.
Hərbi qulluqçular narkotik vasitələri sosial şəbəkələrdən əldə etdiklərini, tapdıqlarını, hətta bəzi hallarda özləri yetişdirdiklərini bildiriblər.
Prokurorluq qeyd edir ki, bu halların sayı hər il artır, lakin problemin həlli ilə bağlı konkret addımların atılıb-atılmayacağı məlum deyil.
Aytac Bəhruzqızı
09:40 21.12.2024
Oxunuş sayı: 18305
