ABŞ qüvvələri Suriyanın neftini oğurlamağa davam edir
Yəmənin Ənsarullah təşkilatının baş katibi Əbdülmalik Əl-Husi həftəlik televiziya çıxışında Suriya resurslarının hədəfə alınması mövzusuna toxunaraq, bütün mühüm silahların və strateji imkanların müdafiəsiz qaldığını bildirib. O, silahların, strateji imkanların tərk edilməsi və dağıdılmasından təəssüfləndiyini bildirib. Həmçinin bunu "qəribə və təəccüblü etinasızlıq" adlandırıb.
Crossmedia.az xəbər verir ki, bu barədə “Al Mayadeen” xəbər kanalı məlumat yayıb.
Məlumata görə, Əl-Husi bildirib ki, İsrail heç bir maneə ilə qarşılaşmadan Suriyaya hücum edib, sənədlər, avadanlıq və tədqiqatları oğurlamaq üçün qruplar göndərib. O, həmçinin bildirib ki, ABŞ Suriya neftini oğurlamağa davam edir. Fələstində hər şeyi talan etdikdən sonra Suriyanın saf su ehtiyatlarını hədəfə alıblar. Husi əlavə olaraq İranın Fələstin məsələsindəki üstünə düşən vəzifəni tam yerinə yetirdiyini bildirib: “Qərbin, işğalçıların ölkələrimizə qarşı etdiyi beynəlxalq qanunları və standartları pozan bütün cinayətləri “özünümüdafiə” adı altında kateqoriyalara ayırılıb”.
Tərlan Əmrahova
04:22 21.12.2024
Oxunuş sayı: 15415
