Gürcüstanda seçkilərdən sonra Ermənistanı qorxu bürüyüb
Gürcü Arzusu Partiyasının qalib gəlməsindən sonra Ermənistan hökumətində narahatlıq və gərginlik artmaqdadır. İrəvan rəhbərliyi Moskvanın Ermənistanın daxili siyasətinə də müdaxilə edəcəyindən ehtiyat edir.
Crossmedia.az “Haber Global”a istinadən xəbər verir ki, Ermənistanın əsas ticarət və logistika çıxış yolu olan Gürcüstanın Rusiya təsiri altında ölkəyə iqtisadi təzyiqlər göstərəcəyi və bu səbəbdən maliyyə böhranına sürükləyəcəyi qorxusu İrəvanı ciddi narahat edir. Gürcüstan marşrutunun bağlanması isə Ermənistanın qərbdən aldığı hərbi yardımların tamamilə dayandırılması deməkdir.
Avropa ekspertləri hesab edirlər ki, hazırda Rusiya-Ermənistan münasibətləri tamamilə qırılma nöqtəsinə gəlib çatıb. Qafqaz regionunda yeni böhranın qapıda olduğu vurğulanır.
Fidan Hacızadə
12:02 20.12.2024
Oxunuş sayı: 4827
