Danimarka Baltik və Körfəzdə yeni eskalasiya ilə bağlı xəbərdarlıq edib
Danimarka və digər Baltik sahilyanı ölkələri Rusiyanın “kölgə donanması”nın fəaliyyətini yoxlamaq üçün tədbirlər görəcəklərini açıqlayıblar.
Crossmedia.az xarici KİV-ə istinadən xəbər verir ki, bu addım Avropa İttifaqının 15-ci sanksiya paketinin qəbulundan sonra atılıb.
Beynəlxalq Dəniz Konvensiyasına əsasən, Rusiya Baltik dənizində və digər açıq sularında sərbəst keçid hüququna malikdir. Bununla belə, sahilyanı ölkələr yalnız şübhəli hallarda gəmiləri dayanmağa dəvət edə bilərlər. Gəmi dayanmağa razı olmadığı halda, onu saxlamaq hüququna malik deyillər.
Danimarka və Baltik ölkələri isə Rusiyanın öz “kölgə donanmasını” qorumaq üçün hərbi dəniz qüvvələrindən istifadə edə biləcəyindən narahatdır.
Son dövrlərdə Baltik dənizində baş verən hadisələr NATO-nun bölgədəki donanma imkanlarında ciddi zəifliklərin olduğunu göstərir. Bu addımların isə bölgədəki gərginliyi daha da artıracağı gözlənilir.
Aytac Bəhruzqızı
18:28 19.12.2024
Oxunuş sayı: 6349
