ABŞ-də ilk ciddi quş qripi hadisəsi qeydə alındı
ABŞ-ın Luiziana ştatında yaşayan bir şəxs quş qripi diaqnozu ilə xəstəxanaya yerləşdirilib. Bu hadisə, ABŞ-da insanlarda qeydə alınan ilk ciddi quş qripi hadisəsi kimi tarixə düşüb. Bununla yanaşı, Kaliforniya ştatında epidemiyanın yayılma riski səbəbindən fövqəladə vəziyyət elan edilib.
Crossmedia.az "Haber Global"a istinadən xəbər verir ki, ABŞ Xəstəliklərə Nəzarət və Qarşısının Alınması Mərkəzinin (CDC) verdiyi məlumata görə, 65 yaşdan yuxarı və xroniki sağlamlıq problemləri olan xəstə virusa yoluxduqdan sonra tənəffüs çətinliyi yaşayıb. Xəstənin virusa evinin arxa həyətində saxladığı quşlardan yoluxduğu bildirilib. Araşdırmalar zamanı virusun ABŞ və Kanadada daha əvvəl insanlara keçən “D1.1” tipinə aid olduğu müəyyən edilib.
Xarici KİV- in məlumatına əsasən, quş qripi aprel ayından bəri, əksəriyyəti heyvandarlıq təsərrüfatlarında çalışan işçilər olmaqla, 61 insana yoluxub. Lakin əvvəlki halların yüngül keçdiyi vurğulanıb.
Son hadisə isə ABŞ-da insanlarda qeydə alınan ilk ciddi quş qripi hadisəsi kimi tarixə yazılıb.
Fidan Hacızadə
12:06 19.12.2024
Oxunuş sayı: 7697
