Almaniyanın narahatlığı təsadüfi deyil: Rusiyanın növbəti hədəfi NATO ola bilər
Dünyada davam edən müharibələr və artan geosiyasi gərginlik fonunda Rusiya ilə Qərb arasındakı münasibətlər yenidən müzakirə mövzusuna çevrilib. Son dövrlərdə həm Rusiya, həm də Almaniya rəsmilərinin səsləndirdiyi bəyanatlar təhlükəsizlik məsələləri ətrafında narahatlıqları artırır. Bu dəfə diqqət Almaniya ordusunun yüksək rütbəli komandanının açıqlamasına yönəlib. O bildirib ki, Almaniya 2029-cu ilədək, hətta daha tez müddətdə Rusiyadan qaynaqlana biləcək mümkün təhlükələrə hazır olmalıdır. Generalın sözlərinə görə, bu qiymətləndirmə NATO ölkələrinin kəşfiyyat məlumatlarına əsaslanır.
Rusiyanın NATO ölkələrinə mümkün təhdidləri ilə bağlı Crossmedia.az-a danışan hərbi ekspert Ədalət Verdiyev söyləyib ki, hazırda davam edən Ukrayna-İran münaqişəsinə görə, NATO ölkələri arasında ciddi fikir ayrılıqları mövcuddur:
"ABŞ NATO üzvü olan Avropa İttifaqı ölkələrinə qarşı kifayət qədər sərt bəyanatlar səsləndirir ki, bu da ortaq NATO silahlı qüvvələrinin yaradılmasını zəruri edir . Bu məsələ illərdir müzakirə olunsa da hələlik real addımlar atılmır . Rusiya da ABŞ ilə NATO arasında olan fikir ayrılıqlarından yararlanmaq məqsədilə bəzi qonşu NATO ölkələrin nəbzini yoxlamaqla məşğuldur".
Ekspertin sözlərinə görə, Almaniya tərəfindən Rusiyanın 2029-cu gözlənilən müdaxiləsi barədə verilən praqnozlar heç də yeni məsələ deyil. Belə ki, daha əvvəlki praqnozlar 2028-ci ili nəzərdə tuturdu:
"Görünən odur ki, Rusiyanın Ukrayna cəbhəsində hücumlarının zəifləməsi və qoşunların çox aşağı templərlə ərazi işğal etməsi NATO-nun bu praqnozları bir il sonraya çəkməsi ilə nəticələnib. Rusiya dəfələrlə həmin ölkələrinə dronları göndərib, qırıcı təyyarələrin uçuşlarını həyata keçirib. Bu da NATO-nun müdaxilələrinə reaksiyasını yoxlamaq məqsədi daşıyıb . Əgər NATO ölkələri özlərinin içza atdığı imzanamənin 5-ci bəndini yerinə yetirməyəclərsə Rusiya Ukrayna cəbhəsində istədiyinə nail olduqdan sonra yaxınlıqda yerləşən bəzi NATO ölkələrini də narahat etmək fikrinə düşəcək".
Fatimə Məmmədova
15:20 12.06.2026
Oxunuş sayı: 122
