Ukrayna deputatı Zelenskinin Orban haqqında sözlərini tənqid etdi
Ukrayna Ali Radasının deputatı Artyom Dmitruk, Ukraynanın prezidenti Vladimir Zelenskinin Macarıstan Prezidenti Viktor Orban haqqında dediyi sözləri tənqid edib.
Crossmedia.az xəbər verir ki, bu barədə Ukrayna siyasətçisi öz Telegram kanalında yazıb.
“Diplomatiya? Yox, eşitməmişəm! Necə də dəhşətli görünür,” - Dmitruk qeyd edib.
Qeyd edək ki, Vladimir Zelenski, Viktor Orbanın Ukraynadakı münaqişənin tənzimlənməsi üçün göstərdiyi səylərə cavab olaraq, onu vasitəçi kimi görmək istəmədiyini bildirib. Zelenskinin sözlərinə görə, Orban prosesdə iştirak etməməlidir, çünki Ukraynanın maraqlarını düzgün dəstəkləyə bilmir. Bundan əlavə, prezident vurğulayıb ki, o, münaqişənin yekunlaşması üçün Orbanın deyil, ABŞ-nin mövqeyinə əsaslanır.
Günəş Məmmədova
09:18 18.12.2024
Oxunuş sayı: 13008
